मुंबईची जीवनवाहिनी असलेल्या उपनगरीय लोकल ट्रेन्समध्ये महिलांसाठी राखीव असणा-या डब्यांची संख्या अपुरी असून, ती वाढवावी तसेच गर्दीच्या वेळेत कल्याण आणि डोंबिवलीप्रमाणे ठाणे ते सीएसटी ‘महिला विशेष’ लोकल सुरु करावी या प्रमुख मागण्यांसाठी, ‘धर्मराज्य पक्ष’प्रणित ‘धर्मराज्य प्रवासी संघटने’च्यावतीने गुरुवार, दि. २१ जुलै रोजी ठाणे रेल्वे स्थानकाबाहेर नोकरदार महिलांच्या माध्यमातून स्वाक्षरी मोहीम राबविण्यात आली होती.
यावेळी महिला प्रवाशांबरोबरच पुरुष प्रवाशांनीदेखील या मोहिमेस उदंड प्रतिसाद दिला. ‘धर्मराज्य पक्षा’च्या ठाणे लोकसभा महिला अध्यक्षा जयश्री पंडित यांच्या नेतृत्वाखाली राबविण्यात आलेल्या या स्वाक्षरी मोहिमेत तब्बल ९५० महिला व पुरुष ठाणेकर चाकरमान्यांनी स्वाक्षरी करुन, आपला सहभाग तसेच पाठिंबा नोंदवला.
स्वाक्षरी मोहिमेच्या या कार्यक्रमात ‘धर्मराज्य महिला संघटने’च्या महाराष्ट्र राज्य सचिव स्वप्नाली पवार, शिक्षक संघटनेच्या महासचिव साक्षी शिंदे, पक्षाच्या ठाणे महिला सचिव दर्शना पाटील, कोपरी विभाग महिला अध्यक्षा भारती सावंत, प्रतिभा टपाल, कमल बागुल, मनीषा सांडभोर, मयुरी वायदंडे आदी महिला पदाधिकारी आणि कार्यकर्त्यांसोबत, ‘धर्मराज्य पक्षा’चे महासचिव रामभाऊ कोंडाळकर, ज्येष्ठ पत्रकार सुरेश कराळे, शिक्षक संघटनेचे सचिव प्रा.भरत जाधव, पक्षाचे खोपट विभाग अध्यक्ष सुनील घाणेकर, कोलबाड विभाग अध्यक्ष राजू शिंदे, नौपाडा विभाग अध्यक्ष दिनेश चिकणे, कोपरी-आनंदनगर प्रभाग अध्यक्ष नितीन वायदंडे,
लोकमान्य नगर प्रभाग अध्यक्ष महेश क्षीरसागर, चेंदणी-कोळीवाडा प्रभाग अध्यक्ष आनंद कोळी, नितीन उगले, रॉजर सायमन, संदीप सोनखेडे, विपुल कदम, महेश उतेकर, प्रकाश पवार, अश्वदीप भालेराव, सुधन सावंत, विलास दाभोळकर, सचिन निकम, प्रकाश डोंगरे, राजू सांडभोर, सुनील सांडभोर,पदाधिकारी आणि कार्यकर्ते उपस्थित होते.
या स्वाक्षरी मोहिमेच्या कार्यक्रमासाठी उपस्थित राहिल्याबद्दल जयश्री पंडित यांनी ‘धर्मराज्य पक्षा’च्या सर्व मान्यवर पदाधिकारी आणि कार्यकर्त्यांचे आभार मानले आहेत.
रस्तारूंदीकरण आणि शहरीकरणाच्या नावाखाली ठाणे महानगरपालिकेने सध्या शहरातील नौपाडा, वर्तकनगर आणि पोखरण रोडवरील डेरेदार वृक्ष निर्दयीपणे कापायला सुरूवात केली आहे. एकाअर्था, ठामपा पुरस्कृत निसर्ग आणि पर्यावरणाचा खून पाडण्याचं कार्य महापालिका प्रशासनानं हाती घेतलेलं असून, त्याचाच निषेध करण्यासाठी `धर्मराज्य पक्षा’च्यावतीने शुक्रवारी ठाणे रेल्वे स्थानकाजवळ `वसुंधरा दिना’च्या पार्श्वभूमीवर तीव्र निदर्शने करण्यात आली. ठाणे शहराला लाभलेला निसर्गाचा समृध्द वारसा यानिमित्ताने नष्ट होण्याचा धोका दिवसेंदिवस वाढत असल्याचा आरोप यावेळी `धर्मराज्य पक्षा’ने ठाणे महापालिका प्रशासनावर केला आहे.
दरम्यान, ठाणे महानगरपालिकेचे आयुक्त संजीव जयस्वाल यांनी शहर विकासाच्या आणि रस्तारूंदीकरणाच्या आड येणारी अनधिकृत बांधकामे तोडण्यास धुमधडाक्यात सुरूवात केली आहे. आयुक्तांच्या या धडाडीचे ठाणेकर नागरिकांनी कौतुक केले असले; तरी, बेसुमार वृक्षतोडीमुळे नागरिक नाराज झालेले आहेत. नौपाडा परिसरातील भास्कर कॉलनी विभागात सध्या प्रस्तावित उड्डाणपुलाचे बांधकाम सुरू असून, त्यासाठी संपूर्ण महात्मा गांधी रस्त्यावरील झाडांच्या कत्तली झाल्या आहेत. मुळात याठिकाणी उड्डाणपूलाची आवश्यकता नसतांना तो उभारण्याचा घाट कुणाला खूष करण्यासाठी घातला जातोय? असा सवालदेखील `धर्मराज्य पक्षा’ने यावेळी उपस्थित केला आहे. याप्रसंगी धर्मराज्य पक्षाचे उपाध्यक्ष नितीन देशपांडे, ठाणे लोकसभा अध्यक्ष राजेश गडकर, उपाध्यक्ष सचिन शेट्टी, नरेंद्र पंडित, धर्मराज्य कामगार-कर्मचारी महासंघाचे महासचिव महेशसिंग ठाकूर, धर्मराज्य महिला संघटनेच्या समन्वयक स्वप्नाली पवार, ठाणे लोकसभा अध्यक्षा जयश्री पंडित, नवी मुंबई शहर उपाध्यक्षा रेखा साळूंखे, दर्शना पाटील, गिता पाटील, उज्ज्वला जाधव, पोर्णिमा सातपुते, ठाणे शहर विधानसभा अध्यक्ष जगन्नाथ सलगर, सहसचिव दिनेश चिकणे, प्रभाग क्र. ४७ चे प्रभाग अध्यक्ष समीर कालगुडे, प्रभाग क्र. 24 चे प्रभाग अध्यक्ष राजू शिंदे, डोंबिवली शहर अध्यक्ष जगदीश जाधव, ठाणे शहर माहिती अधिकार कक्ष प्रमुख अनिल महाडिक, बेलापूर विधानसभा अध्यक्ष निवास साळुंखे, वर्तकनगर प्रभाग समिती अध्यक्ष प्रा. भरत जाधव, प्रकाश पवार, दिपक देशपांडे, युवा कार्यकर्ता संदीप सोनखेडे, अमित लिबे, मनोज बेर्डे, गंभीर आदी मान्यवर पदाधिकारी व कार्यकर्ते मोठया संख्येने उपस्थित होते.
महिन्यात राज्यातील विविध ठिकाणी, अल्पवयीन विद्यार्थिनींचे शाळेच्या आवारात लैंगिक शोषण होण्याच्या घटना सातत्याने घडत असल्याने महाराष्ट्रात कायदा आणि सुव्यवस्था शिल्लक आहे कि नाही याबाबतचे प्रश्नचिन्ह निर्माण झाले आहे. याच पार्श्वभूमीवर, या घृणास्पद घटनेचा तीव्र निषेध करण्यासाठी मंगळवारी ‘धर्मराज्य पक्षा’च्यावतीने ठाणे रेल्वे स्थानकाबाहेर (पश्चिम), वाहतूक पोलीस चौकीशेजारील पदपथावर निदर्शने करण्यात आली. याप्रकरणी शिक्षण संस्थेचे सचिव किशोर दर्डा यांना अटक केली असली तरी, बलात्कारी प्रवृत्तीला संरक्षण देणाऱ्या संपूर्ण दर्डा कुटुंबियांची चौकशी झाली पाहिजे अशी मागणी यावेळी पक्षाच्या पदाधिकारी आणि कार्यकर्त्यांनी केली.
दरम्यान स्वतःच्याच शाळेतील १४ अल्पवयीन विद्यार्थिनींचे लैंगिक शोषण हे फक्त शिक्षकी पेशालाच नव्हे, तर अवघ्या मानवजातीलाच काळीमा फासणारे दुष्कर्म असून, विजय दर्डा यांची ‘काँग्रेसी संस्कृती’ हीच का ? असा सवाल यावेळी ‘धर्मराज्य पक्षा’चे ठाणे लोकसभा अध्यक्ष राजेश गडकर यांनी प्रसिद्धीमाध्यमांशी बोलतांना उपस्थित केला. दुर्दैवाने गेल्या काही महिन्यांपासून महाराष्ट्रातील विविध भागातील शाळांमध्ये अल्पवयीन विद्यार्थिनींवर लैंगिक अत्याचाराच्या घटना सातत्याने घडत आहेत. याचाच अर्थ राज्यातील कायदा आणि सुव्यवस्थेचा धाक आता गुंडांबरोबर शिक्षण क्षेत्रातील नराधमांनादेखील राहिलेला नसल्याचा आरोप यावेळी राजेश गडकर यांनी केला. या घृणास्पद घटनेतील सर्व आरोपींना फाशीची शिक्षा ठोठवावी तसेच याप्रकरणी संपूर्ण दर्डा कुटुंबियांची सखोल चौकशी करण्यात यावी अशी मागणी यावेळी ‘धर्मराज्य पक्षा’च्यावतीने आक्रमकपणे करण्यात आली. या निदर्शनावेळी ठाणे स्टेशन परिसरातील नागरीकांमार्फत स्वाक्षरी मोहीम राबवून घंटानाद करण्यात आला. याप्रसंगी पक्षाचे ठाणे लोकसभा अध्यक्ष राजेश गडकर, ‘धर्मराज्य कामगार कर्मचारी महासंघाचे महासचिव महेशसिंग ठाकूर, पक्षाचे ठाणे लोकसभा उपाध्यक्ष सचिन शेट्टी, नरेंद्र पंडित, मुरबाड विधानसभा अध्यक्ष भरत हलपतराव, ठाणे विधानसभा सचिव विजय भोसले, सह-सचिव चंद्रकांत येरुणकर, नौपाडा प्रभाग अध्यक्ष समीर कालगुडे, लोकमान्य नगर प्रभाग अध्यक्ष महेश क्षीरसागर, पाचपाखाडी प्रभाग अध्यक्ष अमित लीबे, ‘धर्मराज्य शिक्षक शिक्षकेतर संघटने’च्या महासचिव साक्षी शिंदे, पक्षाच्या महाराष्ट्र राज्य महिला समन्वयक स्वप्नाली पवार, ठाणे लोकसभा महिला अध्यक्षा जयश्री पंडित, सचिव दर्शना पाटील,नवी मुंबई महिला अध्यक्षा शीतल कोळी, रुपेश पवार, दिनेश चिकणे, नितीन उगले आदी पदाधिकारी आणि कार्यकर्ते बहुसंख्येने उपस्थित होते. निदर्शनाच्या या कार्यक्रमाला ठाणेकर नागरिकांनी उत्स्फूर्त प्रतिसाद दिला.
