राज्यघटनाविरोधी (असंविधानिक) व देशहित आणि लोकशाही मूल्यांना बाधा आणणाऱ्या निवडणूक-आयोगाच्या कारभाराविरोधात ‘धर्मराज्य पक्षा’चा एल्गार…मुख्य निवडणूक आयुक्तांच्या राजीनाम्याची व त्यांना तुरुंगात धाडण्याची धर्मराज्य पक्षाची मागणी!
ज्ञानेश कुमार व राजीवकुमार या आजीमाजी मुख्य निवडणूक आयुक्तांच्या (CEC) कारभाराबाबत राज्यघटनाविरोधी व असंविधानिक स्वरुपाचे गंभीर आक्षेप असून, त्यामुळे देशहित तसेच लोकशाही मुल्यांना बाधा पोहोचत असल्याचा आरोप करत…त्यांच्या राजीनाम्याच्या मागणीसाठी “धर्मराज्य पक्षा’तर्फे २ ऑक्टोबर-२०२६ (शुक्रवार) महात्मा गांधी जयंतीच्या दिवशी ठाण्यातील जांभळी नाका, चिंतामणी-दुकानाजवळ शांततामय व सनदशीर निदर्शने करण्यात आली.धर्मराज्य पक्षाचे अध्यक्ष मा. राजन राजे बोलताना धर्मराज्य पक्षाचे अध्यक्ष यांनी “महाभारतात जशी ‘दुर्योधन, दुःशासन, कर्ण व शकुनी’ ही एक षडयंत्रकारी चांडाळ चौकडी होती; तशीच आज ‘नरेंद्र, अमित, ज्ञानेश आणि सीमा’ ही नवी लोकशाहीविरोधी षडयंत्र रचणारी ‘चौकडी’ अस्तित्वात आलीय! महाभारतात, कर्णाची (हल्लीचा ज्ञानेश कुमार) कवचकुंडलं काढून घेणारा इंद्र मौजूद होता…पण, आताचा नवा इंद्र म्हणजेच, ‘नरेंद्र’; त्या अधर्मी कर्णाला वर्ष-२०२३मध्ये पाशवी बहुमतावर कायदा करुन कवचकुंडलं बहाल करतोय; यालाच घोर कलियुग म्हणतात…या कलियुगात आपल्या मदतीला इंद्र येणं सोडाच…जिथे इंद्रच ‘खलनायक’ आहे; तिथे, आता आपल्यालाच ‘कृष्ण आणि अर्जुन’ बनून, या इंद्राला साथ देणाऱ्या, ‘चौकडी’तील षडयंत्री कर्णाचा पाडाव करावा लागेल!” असे प्रतिपादन केले.
“ज्या वर्षी म्हणजे, वर्ष-२०२३ मध्ये अनूप बरनवाल जनहित-याचिकेचा निर्णय आला, त्याचवर्षी कर्णाला (ज्ञानेश कुमार) कायदा करुन ‘राष्ट्रपतीं’पेक्षाही व्यापक अशी ‘तहहयात’ संरक्षण कवचकुंडलं बहाल केली गेलीयत… हे विसरु नका. या भाजप-संघीय सरकारने, भ्रष्टाचार निपटून काढण्याची क्षमता असणारा सामर्थ्यवान ‘लोकपाल’ निर्माण केला नाही आणि जो काही आज कमकुवत ‘लोकपाल’ मौजूद आहे…त्यालाही धड काम करायला त्यांनी वाव शिल्लक ठेवलेला नाही की, त्याला ‘मजबूत’ केला नाही… मजबूत कोणाला बनवलं तर, त्यांना EVM / SIR ची हेराफेरी करुन निवडणूक जिंकू देणाऱ्या निवडणूक आयुक्तांना (CEC & EC). खरंतरं, मतदार होण्यासाठी फक्त, तुम्ही देशाचा नागरिक असणं व वय वर्ष १८ पेक्षा जास्त असणं, एवढ्याच दोनच गोष्टी हव्या असताना ‘सीमा खन्ना’ या EC-IT महासंचालकाकरवी मनमानी अटी लादून व फाॅर्म नं. ६ आणि फाॅर्म नं. ७ मध्ये बेकायदेशीर बदल केले गेले आणि देशातल्या १३ कोटी मतदारांना मतदानापासून वंचित ठेवण्याचं कारस्थान रचलं गेलं; ज्यात, उपलब्ध माहितीनुसार मुस्लिम व समाजाच्या तळागाळातील SC/ST वगैरे प्रजातीच्या आणि Gen-Z चा मोठ्याप्रमाणावर समावेश आहे… ज्याप्रमाणे, सध्या देशाच्या राजकीय-पटलावर ‘वन नेशन, वन इलेक्शन’ किंवा बहुराष्ट्रीय-काॅर्पोरेट क्षेत्रात AI सारख्या अत्याधुनिक तंत्रज्ञानाच्या वापराने ‘वन कंपनी’ घोषणा राबवून ‘कर लो दुनिया मुठ्ठी में’ धर्तीवर *मुठभरांच्या हातात सत्ता केंद्रीत करुन (Totalitarianism OR Hyper-centralisation) उर्वरित बहुसंख्यांकांना, आपल्या तालावर गरजेनुसार हवं तसं नाचवण्याचा व ‘गुलाम’ बनवण्याचा गोरख धंदा सुरु आहे… तसाच, तो सीमा खन्ना या महामायेने निवडणूक-आयुक्तालयात बेलगाम सुरु केलाय (EC)…साध्या धोब्याने चारित्र्याविषयी शंका घेताच, रामाने प्राणप्रिय सीतेचा त्याग केला होता… आणि इथे तर, लाखो-करोडो लोकं, EVM आणि SIR बद्दल ‘साशंक’ असतानाही अयोध्येत राममंदिर उभारणारे ‘जय श्रीरामवाले’ तथाकथित रामभक्त…ना ‘EVM’ सोडायला तयार आहेत, ना ‘SIR’ थांबवायला तयार… यातच सगळं काही आलं.. तेव्हा, आपली ‘लोकशाही’ ही पारदर्शक ‘व्होटिंगशाही’ नसून; EVM / SIR द्वारा मतांचा ‘झोल’ करणारी ‘झोटिगशाही’च झालेली आहे; म्हणूनच EVM हटवा / SIR थांबवा…स्वातंत्र्य आणि प्रजासत्ताक वाचवा”, असे राजन राजे यांनी अंति कळकळीचं आवाहन केलं.या आंदोलनात काँग्रेसचे राष्ट्रीय प्रवक्ते डॉ. विवेक कोरडे, ठाणे शहराध्यक्ष श्री. राहुल पिंगळे, सरचिटणीस श्री. महेंद्र म्हात्रे, काँग्रेस नेत्या सौ. कल्पनाजी हजारे, ॲड. प्रभाकर थोरात, जावेदभाई, जन आंदोलनांचा राष्ट्रीय समन्वयचे संजय मं. गो., आंबेडकरवादी विचारवंत आनंदा होवाळ, समाजमान्य नेते ॲड नाना अहिरे, म्युनिसिपल कामगार नेते जगदीशजी खैरालिया, ठाणे मतदाता जागरण अभियानचे उन्मेषजी बागवे वगैरे प्रभृतींनी, “लोकशाहीची विश्वासार्हता, केवळ निवडणुका घेण्यावर नसून, निवडणूक प्रक्रिया निःपक्ष, पारदर्शक आणि जनतेच्या विश्वासास पात्र असण्यावर अवलंबून आहे. घटनात्मक संस्थांच्या कारभाराबाबत जनतेच्या मनात प्रश्न निर्माण होत असतील, तर त्यांची पारदर्शक तातडीने पद्धतीने चौकशी होणे आवश्यक आहे आणि संबंधित निवडणूक-आयोगातील आजीमाजी धेंडांवर कडक कारवाई व्हायला हवी आणि त्यांना पाठीशी घालणाऱ्या नरेंद्र मोदी व अमित शहांनी राजीनामा द्यायला हवा…राज्यघटना आणि लोकशाही मूल्यांचे जतन व संरक्षण करण्यासाठी आता, जनतेलाच रस्त्यावर उतरण्याखेरीज गत्यंतर नाही,” अशी भूमिका आपापल्या शब्दात मांडली.
सुमारे सहा वर्षांपूर्वी ३० वर्षांची वैयक्तिक मालकीची असलेली ही कंपनी, ‘वाॅलमेट’ (Valmet) या बहुराष्ट्रीय कंपनीकडे हस्तांतरित झाल्यानंतर, कंपनीतील सुमारे दिडशे कामगारांनी ‘राजन राजे’ यांच्या नेतृत्त्वाखालील ‘धर्मराज्य कामगार-कर्मचारी महासंघा’चं सदस्यत्व पत्करलं. गेली कित्येक वर्षे तुटपुंज्या वेतनावर काम करणाऱ्या, या कामगारांना संघटनेच्या माध्यमातून पहिल्याच त्रैवार्षिक-करारात ₹१५,०००/- (रु. पंधरा हजार) ची वेतनवाढ; तर, आता झालेल्या दुसऱ्या त्रैवार्षिक-करारात ₹२१,००० (रु. एकवीस हजार) ची वेतनवाढ मिळाली आहे.
..गेल्या त्रैवार्षिक-करारातील रु.१५,०००/- (रु. पंधरा हजार) थेट पगारवाढ व या कराराद्वारे होऊ घातलेली रु.२१,०००/- (रु. एकवीस हजार) थेट पगारवाढ मिळून दोन करारांद्वारे ६ वर्षात एकूण होणारी थेट पगारवाढ रु.३६,०००/- (रु. छत्तीस हजार) एवढी भव्यदिव्य होय!
ठाणे महानगरपालिकेच्या प्रस्तावित मालमत्ता कर व मालमत्ता हस्तांतरण शुल्कवाढीविरोधात तसेच सन २०२४-२५ व २०२५-२६ चे लेखापरीक्षण अहवाल जाहीर करावेत, थकीत महसुलाची प्रभावी व कालबद्ध वसुली करावी, विकास आराखड्यातील वाहनतळासाठी सुविधा भूखंडांचा वापर करून नियोजनबद्ध वाहनतळ निर्माण करावेत आणि रस्त्यावरील धोकादायक पार्किंगसंदर्भातील ठराव रद्द करावा, या मागण्यांसाठी ‘धर्मराज्य पक्षातर्फे’ सोमवार, दि. १७ ऑगस्ट रोजी ठाणे महानगरपालिकेच्या महासभेच्या दिवशी परमार्थ निकेतनजवळ शांततामय आंदोलन करण्यात आले.
महानगरपालिकेने सन २०२६-२७ चा अर्थसंकल्प सादर करताना करवाढ न करता GIS तंत्रज्ञानाद्वारे मालमत्ता शोधून महसूल वाढविण्याची भूमिका मांडली होती. मात्र, त्यानंतर मालमत्ता करासह हस्तांतरण शुल्कवाढीचा प्रस्ताव पुढे आल्याने आधी थकीत महसूल वसूल करा, महसूल गळती रोखा आणि त्यानंतरच करवाढीचा विचार करा, अशी भूमिका आंदोलनकर्त्यांनी मांडली. “करवाढ नको, न्याय हवा! आर्थिक बोजा नको, पारदर्शक कारभार हवा! टॅक्स आमचा, पैसा आमचा! हिशोबही आम्हालाच हवा!” अशा घोषणांनी परिसर दणाणून गेला.
यावेळी सन २०२४-२५ व २०२५-२६ चे लेखापरीक्षण अहवाल तातडीने जाहीर करून अधिकृत संकेतस्थळावर उपलब्ध करावेत, तसेच महसूल थकबाकीची अद्ययावत, अधिकृत व विभागनिहाय आकडेवारी जाहीर करावी, अशी मागणी करण्यात आली. “थकबाकी वसूल करण्याची हिंमत दाखवा; करवाढीचा सोपा मार्ग सोडा!” असा इशाराही देण्यात आला.
किसन नगर परिसरातील क्लस्टर-प्रकल्पाच्या कामकाजाच्या पार्श्वभूमीवर ‘ठामपा’च्या नियंत्रणाखाली ‘ठाणे क्लस्टर विकास कंपनी’ स्थापन करून त्यासाठी महासभेची मंजुरी घेण्याच्या घाईमागे नेमके कोणाचे हित आहे?, असा सवाल धर्मराज्य पक्षाने उपस्थित केला.
“महापालिका कोणाची? जनतेची की कंपन्यांची? क्लस्टरच्या नावाखाली कंपनी कोणासाठी? ठाणेकरांसाठी की बिल्डरांसाठी?” असा सवाल करत, कोणत्याही मोठ्या विकास प्रकल्पापूर्वी शहराची वहनक्षमता, पायाभूत सुविधांची क्षमता आणि भविष्यातील परिणामांचा शास्त्रशुद्ध अभ्यास सार्वजनिक करावा, अशी मागणी करण्यात आली.
भारताच्या ८०व्या स्वातंत्र्यदिनानिमित्त, ठाणे जिल्हा शिवसेनेच्या वतीने शहरातील चंदनवाडी शिवसेना शाखेत १४ ऑगस्टच्या मध्यरात्री स्वातंत्र्यदिनाचा सोहळा मोठ्या दिमाखात आणि उत्साहपूर्ण वातावरणात साजरा करण्यात आला.
महाराष्ट्र अंधश्रद्धा निर्मूलन समितीच्या ३७व्या वर्धापन दिनानिमित्त महा. अंनिस – ठाणे शहर शाखेच्या वतीने रविवार, दि. ०९ ऑगस्ट २०२६ रोजी सायंकाळी ५.३० वाजता आयोजित विशेष कार्यक्रमास धर्मराज्य पक्षाचे अध्यक्ष मा. राजन राजे तसेच ज्येष्ठ पत्रकार व माजी खासदार कुमार केतकर प्रमुख वक्ते म्हणून उपस्थित होते.
मा. राजन राजे यांच्या भाषणातील महत्त्वपूर्ण विचार —
माझी तशी त्यांच्याशी ओळख अलिकडचीच…साधारण वर्षभरापूर्वी निवर्तलेले, कामगार-चळवळीचे आधारस्तंभ, काॅ. संजय संघवींचे, यांचे ते जिगरी दोस्त…हे ही आम्हाला अलीकडेच समजलेलं! बायबलमध्ये म्हटलंय… “By their fruit you will recognize them…Do people pick grapes from thornbushes, or figs from thistles?” अगदी तसंच, “त्यांच्या कृती आणि त्यांच्या अस्तित्वाचे भवतीच्या समाजावर झालेले परिणाम” पाहिल्यानंतर…अगदी थोडक्या परिचयात, मी त्यांच्या एकूण व्यक्तित्वाचा धांडोळा घेऊ शकलो, ते माझ्यासाठी, एकूणच समाजासाठी व कामगार-चळवळीसाठी खूपच महत्त्वाचं आहे.
वाशेरे (भिवंडी) येथील मेसर्स सिम्प्रेस इंडिया प्रा. लि. या डिजिटल प्रिंटिंग क्षेत्रातील कंपनीत, अत्यंत प्रतिकूल आर्थिक परिस्थितीतही धर्मराज्य पक्षप्रणित धर्मराज्य कामगार-कर्मचारी महासंघातर्फे कामगारांच्या पगारवाढीचा करार यशस्वीरीत्या संपन्न झाला आहे. ज्येष्ठ कामगार नेते मा. राजन राजे यांच्या नेतृत्वाखाली झालेल्या या करारानुसार, कंपनीतील ३५ कायम कामगारांना सरासरी रु. १२,९५८ (सुमारे रु. १३,०००) थेट पगारवाढ मिळणार आहे.
याशिवाय, कामगारांना दरवर्षी ६ अतिरिक्त सशुल्क सुट्ट्या, दरवर्षी ३ गणवेश, तसेच कामगार व त्यांच्या पालकांचा मेडिक्लेम प्रीमियम कंपनीतर्फे भरण्याची महत्त्वाची तरतूद करण्यात आली आहे. तसेच, येत्या काही महिन्यांत ५ ते ६ कंत्राटी कामगारांना कायम सेवेत सामावून घेण्याचा निर्णय घेण्यात आला असून, भविष्यात कायम होणारे व संघटनेचे सभासद बनणारे कामगारही या करारातील सर्व लाभांसाठी पात्र असतील.
मे. अंशुल इनोव्हेटिव्ह केमिस्ट्री प्रा. लि. येथील कामगारांच्या बेमुदत संपाला १०० दिवस पूर्ण झाल्यानिमित्त, धर्मराज्य पक्ष प्रणित धर्मराज्य कामगार-कर्मचारी महासंघाशी संलग्न एलजी हिंग, मुंबई व प्रोटेगो, नवी मुंबई येथील कामगार सदस्यांनी संपकरी कामगारांना एलजी हिंग, मुंबई व प्रोटेगो, नवी मुंबई युनिटकडून प्रत्येकी रु. २५,०००/- चा धनादेश प्रदान करून आर्थिक मदत केली. या प्रसंगी न्याय्य हक्कांसाठी सुरू असलेल्या संपाला संघटित कामगार चळवळीचा ठाम पाठिंबा व्यक्त करण्यात आला. तसेच, कामगारांच्या प्रलंबित मागण्यांबाबत व्यवस्थापनाने सकारात्मक भूमिका घेऊन लवकरात लवकर समाधानकारक तोडगा काढावा, अशी अपेक्षा व्यक्त करण्यात आली. या आर्थिक मदतीमुळे संपकरी कामगारांना संघर्ष पुढे नेण्यासाठी बळ मिळाले असून, विविध उद्योगांतील कामगारांनी दाखविलेल्या ऐक्यभावनेचे हे उल्लेखनीय उदाहरण ठरले.